Kryetari i Sindikatës së Policisë së Kosovës, Imer Zeqiri përmes një lidhje direkte në “Info Magazinë” në Klan Kosova ka folur në lidhje me lëndimin e dy policëve në Skenderaj.
Ai bëri të ditur se gjendja e tyre është stabile dhe se ende nuk dihet se kush e ka shkrepur armën.
“Që të dy zyrtarët policer kanë lëndime të rënda trupore dhe gjendja shëndetësore e tyre momentale është stabile. Shkaktar ka qenë shqiptimi i një kundërvajtje të komunikacionit dhe aty ka filluar ajo zënka apo mllefi i personave të cilët kanë sulmuar zyrtarët policor. Pra, zënkën e kanë inicuar personat e dyshimtë për shkak të mllefit, ndërsa se kush e ka shkrepur armën, ajo është pjesë e hetimeve dhe shpresojë që do të ndriqohet sa më shpejtë”, u shpreh ai.
Tutje, ai bëri të ditur se njëri nga policët është lënduar me mjet të fortë, ndërsa tjetri me armë zjarri, përcjell Klankosova.tv.
“Dihet që zyrtarët policorë janë sulmuar, janë të lënduar rëndë, njëri me armë zjarri, ndërsa tjetri me mjet të fortë në kokë që ka disa plagë dhe gjendja e tyre është stabile, përndryshe në të ardhmen do të vërtetohet se arma e kujt ka shkrepur”, u shpreh tutje ai.
