Trajneri i Barcelonës, Xavi, ka zbuluar se nuk kanë hequr dorë nga kthimi i Lionel Messit në klub.
Ai kur u pyet nëse do të dëshironte ta shihte Messin përsëri në Barcelonë, u përgjigj që po.
“Po, por për momentin Leo ka një kontratë me një klub tjetër”, është shprehur Xavi, shkruan Marca, transmeton Klankosova.tv.
Trajneri theksoi se do të ishte e vështirë dhe ishte i prirur të largohej shpejt nga tema.
“Nuk ka kuptim të flasim për Messin tani. Ai është futbollisti më i mirë në botë dhe në historinë e futbollit. President Joan Laporta tha se dëshiron që historia mes Leos dhe Barçës të vazhdojë. Do të shohim në të ardhmen. Por tani nuk është koha për të folur për Leon”.
Messi u largua nga Barcelona, gjatë vitit të kaluar si lojtar i lirë te Paris Saint-Germaini.
