Ushtria e Nagorno-Karabakut më 1 gusht i ka akuzuar forcat e Azerbajxhanit për sulme ndaj pozicioneve të saj në veri dhe veriperëndim të territorit.
Ushtria e Mbrojtjes së Karabakut tha se trupat e saj gjatë gjithë ditës penguan “përpjekjet e Azerbajxhanit për të kaluar vijën e kontaktit”.
“Pala armene nuk pësoi viktima,” thuhet në një deklaratë të lëshuar në mbrëmje.
“Situata mbetet e tensionuar”.
Në deklaratë thuhet se forcat paqeruajtëse ruse të stacionuara në Karabakh morën “informacion të detajuar” për situatën në vijën e frontit.
Një ligjvënës i Karabakut, Artur Harutiunian, i tha Shërbimit Armen të Radios së Evropa e Lirë menjëherë pasi luftimet kishin pushuar. Ai tha gjithashtu se ushtria e Azerbajxhanit nuk kapi asnjë pozicion armen të Karabakut.
“Gjithçka është nën kontrollin e forcave tona të armatosura”, tha Davit Babayan, ministri i jashtëm i Karabakut.
Ministria e Mbrojtjes e Azerbajxhanit mohoi kategorikisht çdo shkelje të armëpushimit në apo rreth Karabakut.
Situata përgjatë vijës së Karabakut ishte relativisht e qetë që nga marsi.
Më herët në mbrëmje, Arayik Harutiunian, presidenti i Karabakut, mbajti atë që dukej të ishte një takim urgjent me komandantin e Ushtrisë së Mbrojtjes Kamo Vartanian dhe zyrtarë të tjerë të sigurisë.
Ndërkohë, ministri i Jashtëm armen Ararat Mirzoyan zhvilloi një telefonatë me Ndihmës Sekretaren e Shtetit të SHBA-së, Karen Donfried, shkruan Radio Evropa e Lire në Armeni, transmeton KlanKosova.tv.
