Ukrainasit në Kiev duke dëgjuar stand-up komedi, po mundohen të ruajnë shëndetin e tyre mendor, mes brutalitet rus që po vret dhjetëra mijëra njerëz.
Presidenti rus Vladimir Putin dhe trupat e tij, veçanërisht të vdekurit dhe të plagosurit rus, janë objektivat e preferuara të humorit të zi ukrainas, njofton Klan Kosova.
“Shumë ukrainas nuk kanë para për psikoterapi dhe stand-up është një psikoterapi shumë e lirë. Thjesht, ju pëlqejnë për tetë ose 10 dollarë sa është çmimi i biletës ata po qeshin për një orë”, deklaroi komediani, Anton Tymoshenko.
Timoshenko dhe humoristë të tjerë performojnë çdo fundjavë në një bodrum të një klubi komedi në kryeqytetin ukrainas.
Ndjekja e tyre po i ndihmon kryeqytetasit për pak çaste të harrojnë përjetimet e tmerrshme të luftës.
“Është vërtet bukur. Dhe vë bast se është vërtet e vështirë për ta, sigurisht, si të shkruajnë këto shaka, e dini. Por kjo po i ndihmon të gjithë”, tha Yuliia Shytko një qytetare nga Kievi.
Ata kujtojnë edhe kohën kur me shfaqje të tilla humori argëtoheshin nga komediani më i famshëm i Ukrainës, Volodymyr Zelenskyy, tani president i vendit, i zgjedhur në vitin 2019.
