Presidenti ukrainas, Volodymyr Zelensky, u ka kërkuar këtë pasdite vendeve perëndimore që të ofrojnë më shumë armatime për Ukrainën.
Vendi është përfshirë në një konflikt të ashpër me Rusinë që nga fundi i shkurtit.
Duke folur në një fjalim virtual në parlamentin portugez, Zelensky akuzoi ushtrinë ruse për kryerjen e shumë mizorive në Ukrainë, duke përfshirë qytetin port të Mariupol.
Ai gjithashtu i kërkoi Portugalisë të mbështesë një embargo globale ndaj naftës ruse.
Më herët të enjten, presidenti i SHBA-së Joe Biden premtoi 800 milionë dollarë ndihmë ushtarake për Ukrainën, duke përfshirë “dhjetëra obusa, municione, dronë dhe artileri të rëndë”.
Zelenskyy iu përgjigj lajmit në Twitter, duke thënë: “Kjo ndihmë është e nevojshme sot më shumë se kurrë! Ajo shpëton jetën e mbrojtësve tanë të demokracisë dhe lirisë dhe na sjell më pranë rivendosjes së paqes”.
I’m grateful to @POTUS & 🇺🇸 people for the leadership in supporting the people of Ukraine in the fight against Russian aggression. This help is needed today more than ever! It saves the lives of our defenders of democracy and freedom and brings us closer to restoring peace in 🇺🇦.
— Володимир Зеленський (@ZelenskyyUa) April 21, 2022
