Nëntë persona janë arrestuar në Parkun Nacional “Sharri”, në fshatin Berevce të Shtërpcës, në kuadër të planit operativ “Mbrojtja e pyejeve 2022”.
Personat u kapën duke prerë drunj, ku tre prej tyre, një 20 vjeçar me inicialet L.N., një 33 vjeçar me inicialet S.A., dhe një 35 vjeçar me inicialet A.A., janë ndaluar për 48 orë, ndërsa 6 të arrestuarit e tjerë janë liruar në procedurë të rregullt.
Gjatë aksionit, i realizuar sot në orën 07:30, u konfiskuan pesë traktor , disa motorsharra, sëpata dhe një sasi e drunjëve.
Rasti është cilësuar si “Vjedhje e pyjeve”, njofton policia rajonale e Ferizajt, transmeton Klankosova.tv.
