Një person i armatosur vrau shtatë persona përpara se të arrestohej në Kaliforni të hënën, vetëm dy ditë pasi të shtënat morën 11 jetë në një sallë vallëzimi.
Sulmet e fundit ndodhën në dy vende të veçanta në qytetin bregdetar të Gjirit të Half Moon, rreth 50 kilometra në jug të San Franciskos, shkruan BBC, transmeton Klankosova.tv.
Sulmuesi u identifikua si 67-vjeçari Zhao Chunli, një banor lokal.
Ky sulm vjen ndërsa shteti mban zi për vdekjet në parkun Monterey me shumicë aziatike gjatë festimeve për Vitin e Ri Hënor.
I dyshuari të hënën u filmua nga kamerat duke u dorëzuar në zyrën e Sherifit të Qarkut San Mateo rreth dy orë pas sulmit.
Katër viktimat e para u zbuluan në një fermë kërpudhash rreth orës 14:22 me orën lokale (00:22 GMT), ndërsa tre të tjerat u gjetën më vonë në një biznes të kamionëve aty pranë.
Hetuesit nuk kanë dhënë ende një motiv për këtë sulm.
