Shoqata e Kërkim-Shpëtimit të Kosovës vazhdon kërkimet në Turqi (VIDEO)

Nebih Svirca, i cili është anëtar në Shoqatën e Kërkim-Shpëtimit të Kosovës, ka dërguar pamje për Klankosova.tv nga vendi i tërmetit në Turqi.

Janë gjithsej gjashtë vullnetarë nga Kosova, që kanë shkuar të ndihmojnë në Turqi, pasi ky vend u godit nga tërmeti një javë më parë, njofton Klankosova.tv.

Anëtari tjetër, Fanol Shala, ka thënë për Klankosova.tv se gjatë natës kanë pasur shpresë se do ta nxjerrin ndonjë të mbijetuar, por që gjatë kërkimeve kanë arritur të gjejnë dy të vdekur.

Ndryshe, ky grup gjatë ditës së djeshme ka arritur të nxjerrë të gjallë një 26-vjeçare në Hatay.

Kujtojmë, nga ky tërmet deri më tani kanë humbur jetën mbi 37 mijë persona në Turqi dhe Siri.