SHBA është e përkushtuar ndaj rolit të NATO-s në Kosovë

Ambasadori i Shteteve të Bashkuara të Amerikës në Kosovë, Jeff Hovenier, është takuar me Julianne Smith, ambasadore e SHBA-ve në NATO, përcjell KosovaPost.

Kështu ka shkruar Hovenier, përmes një postimi në Twitter.

Ai tutje shkruan se SHBA-të së bashku me KFOR-in janë të përkushtuara në promovimin e sigurisë dhe garantimit të stabilitetit për të gjithë njerëzit e Kosovës, por edhe rajonit.

“ I lumtur që takova kolegen time, ambasadoren Julie Smith gjatë vizitës së Këshillit të Atlantikut të Veriut në Kosovë. SHBA-të janë të përkushtuara ndaj rolit të domosdoshëm të NATO-KFOR-it në promovimin e sigurisë dhe garantimit të stabilitetit për të gjithë njerëzit e Kosovës dhe për rajonin”, ka thënë Hovenier.