Rusia thotë se nuk ka marrëveshje me Turqinë për eksportet e grurit të Ukrainës

Kremlini ka thënë se nuk është arritur asnjë marrëveshje me Turqinë për eksportimin e dërgesave të grurit ukrainas përmes Detit të Zi.

Zëdhënësi i Kremlinit, Dmitry Peskov, u tha gazetarëve se puna po vazhdonte, shkruan Aljazeera, transmeton Klankosova.tv.

Turqia ka shtyrë për një marrëveshje midis Rusisë dhe Ukrainës mbi një plan për të rifilluar eksportet e grurit nga portet ukrainase, megjithëse perspektivat për një marrëveshje duken të zbehta, ku secila palë fajëson tjetrën për ndërprerjen e furnizimeve globale të ushqimit.