Ka raportime se Mariupoli do të mbyllet plotësisht për hyrje dhe dalje nga e hëna, duke mbyllur potencialisht qytetin dhe duke parandaluar evakuimet e mëtejshme humanitare.
Këshilltari i kryebashkiakut të qytetit, Petro Andryushchenko, tha se forcat ruse planifikojnë të ndalojnë njerëzit që të largohen ose të hyjnë në Mariupol duke filluar nga 18 prilli.
Nënkryetari i bashkisë, Serhii Orlov, i cili thotë se një mbyllje e tillë ka qenë tashmë në fuqi për katër ose pesë ditët e fundit.
Rrethimi ushtarak dhe kolapsi në komunikimet në Mariupol do të thotë se nuk është e mundur të verifikohen raportet, raporton BBC, transmeton Klankosova.tv.
Pavarësisht raportit për një mbyllje tashmë të vendosur, një zyrtar nga qeveria qendrore e Ukrainës në Kiev thotë se më shumë se 360 njerëz nga Mariupol mbërritën në Zaporizhzhia të premten.
Nuk është e qartë se kur u larguan nga qyteti, por udhëtimi i rrezikshëm shpesh mund të zgjasë disa ditë.
Të premten Moska tha se kishte hapur “korridore humanitare” çdo ditë nga Mariupol “drejt Rusisë” dhe rrugë nga Mariupol në qytetin e afërt të Berdyansk dhe në Zaporizhzhia, duke mos komentuar kështu lirinë e lëvizjes brenda qytetit.
