Presidenti i Rusisë, Vladimir Putin, ka miratuar një propozim të qeverisë për të nënshkruar një marrëveshje me Bjellorusinë për krijimin e qendrave për trajnimin e përbashkët të personelit ushtarak.
Në një dekret të publikuar në portalin e qeverisë, Putin ngarkoi Ministrinë e Mbrojtjes që të zhvillojë bisedime me Bjellorusinë dhe në rast të një marrëveshjeje të nënshkruajë në emër të Federatës Ruse, shkruan Anadolu, transmeton Klankosova.tv.
Në një shënim shoqërues thuhet se qëllimet e qendrave të trajnimit janë përmirësimi i nivelit të koordinimit dhe trajnimi luftarak të ushtarakëve.
Ushtria gjithashtu do të shkëmbejë eksperienca për përdorimin e armëve, pajisjeve ushtarake dhe speciale, si dhe “zotërimin e aftësive praktike”.
Bjellorusia gjithashtu miratoi projektin dhe tha se tre qendra të tilla tashmë po funksionojnë, dy në Bjellorusi dhe një në Rusi.
