Prokuroria Themelore e Pejës me aksion në pesë qytete për ndërtime pa leje

 Prokuroria Themelore e Pejës me aksion në pesë qytete për ndërtime pa leje

Prokuroria Themelore në Pejë bën të ditur se gjatë ditës kanë qenë me aksion në pesë qytete për identifikimet e ndërtimeve pa leje.

“Prokuroria Themelore e Pejës, njofton opinioni publik se, me autorizim të Kryeprokurorit Agim Kurmehaj, prokurorët e kësaj prokurorie në koordinim me Policinë e Kosovës, gjatë ditës kanë ndërmarrë aksion, në komunat që janë nën kompetencën territoriale (Pejë, Klinë, Istog, Deçan dhe Junik) me qellim të identifikimit të ndërtimeve pa leje, përkatësisht për dyshimet eventuale në drejtim të veprave penale “Keqpërdorimi i pozitës zyrtare apo autoritet zyrtar” dhe veprën penale “Ndërtimi pa leje”, thuhet në njoftimin e Prokurorisë.

Tutje thuhet se ky aksion është mbikëqyrur nga Kryeprokurori Kurmehaj, ndërkaq në teren në secilën komunë të lartcekur kanë qenë të angazhuar gjashtë prokuror të shtetit të shoqëruar nga njësitet përkatëse policore dhe inspektorët e ndërtimeve.

Advertisement

Gjatë këtij aksioni janë evidentuar disa raste të ndërtimeve pa leje në komunat përkatëse, me ç’rast do të ndërmerren veprimet e nevojshme hetimore për ndriçimin e këtyre rasteve penale.

Advertisement

Të ngjashme