Ministri i Bujqësisë, Faton Peci, është takuar sot me Ministrin e Ministrisë Federale së Ushqimit dhe Bujqësisë së Gjermanisë, Cem Ozdemir.
Ministri Peci tha se gjatë këtij takimi theksoi rëndësinë e mbështetjes së Bashkimit Evropian për vendet e Ballkanit Perëndimor në fushën e bujqësisë, e konkretisht Kosovës, që në një të ardhme të afërt të ofrohet qasja direkte në fondet e para-anëtarësimit IPARD.
“E njoftova Ministrin Ozdemir për hapat e ndërmarrë me qëllim të lehtësimit të situatës dhe rritjes së përkrahjes për bujqit tanë përmes programeve tona mbështetëse, duke e shndërruar bujkun e Kosovës, në bujkun financiarisht më të përkrahur në rajon”, shkroi Peci në një postim në Facebook, transmeton Klankosova.tv.
E pranishme në këtë takim multilateral ishte edhe Ministrja e Bujqësisë së së Shqipëris, Frida Krifca, si dhe Ministri i Bujqësisë së Maqedonisë së Veriut, Ljupço Nikollovski.
Ky takim u zhvillua në margjinat e Konferencës Ministrore “Të bashkuar për Sigurinë globale Ushqimore” të G7 në Berlin, për të adresuar shqetësimin global lidhur me sigurinë ushqimore, zinxhirin e shkëputur të furnizimit për shkak të agresionit rus në Ukrainë si dhe rritjen e çmimeve të inputeve bujqësore, gazit, naftës e të ngjashme.
