‘Parada e Krenarisë’ mbahet në Tajlandë për herë të parë pas 16 vjetësh

Pjesëtarë të komunitetit LGBTQ+ kanë mbajtur sot ‘Paradën e Krenarisë’ në Bangkok të Tajlandës, për herë të parë pas pothuajse 16 vjetësh.

Ngjarja “Naruemit Pride 2022” ishte rezultat i punës organizative nga OJQ-të që promovonin të drejtat LGBTQ+, me mbështetjen e Guvernatorit të zgjedhur së fundmi në Bangkok, Chadchart Sittiput.

Mijëra njerëz dolën nëpër rrugë duke valëvitur flamuj me ngjyra ylberi, shkruan DW, transmeton Klankosova.tv.

Parlamenti tajlandez do të votojë së shpejti një Projektligj që lejon bashkimet e personave me të njëjtën gjini, me pothuajse të njëjtat të drejta ligjore si çiftet e martuara.

Tajlanda ka një komunitet të dukshëm LGBTQ+, por anëtarët ende përballen me diskriminim në vendin konservator.