Presidentja e vendit, Vjosa Osmani së bashku me ministrin e Punëve të Brendshme, Xhelal Sveçla, në prag të ndërrimit të motmoteve, kanë vizituar policët në veri të vendit dhe në kampin ‘Belvedere’.
Me anë të një shkrimi në Facebook, Osmani njofton se si shenjë të këtij vlerësimi, ka dekoruar njësi e zyrtarë policor me Medaljen Presidenciale për Siguri.
“Në prag të ndërrimit të motmoteve, vizituam policët tanë në pikën kufitare në Bërnjak, bazat policore në Jasenovik e Bërnjak si dhe në kampin ‘Belvedere’. Së bashku me Ministrin Sveçla, i falenderuam për shërbimin e tyre ndaj vendit, në mbrojtje të sovranitetit tonë e për siguri të të gjithë qytetarëve, pa dallim. Si shenjë të këtij vlerësimi, kam dekoruar njësi e zyrtarë policor me Medaljen Presidenciale për Siguri.”, shkruan presidentja.
Osmani thekson se të gjithë pjesëtarëve të policisë u kanë uruar Vitin e Ri 2023 me dëshirën për shëndet për ata e familjet e tyre si dhe për suksese të mëtejme për Republikën tonë.
