“Okupator, shko vet n’shpi ose HIMARS ju tregon rrugën”, Kherson mbushet me posterë

Qyteti Kherson në Ukrainë, i cili është pushtuar nga forcat ruse, është mbushur me posterë mbi mure, ku shkruan se qyteti është duke pritur ushtrinë e Ukrainës, duke i bërë thirrje ushtarëve rusë që të largohen.

“Qyteti është duke pritur Ushtrinë e Ukrainës. Okupator, shko në shtëpi vet ose HIMARS do t’ju tregojë rrugën”, thuhet në postierë, transmeton Klankosova.tv.

HIMARS është shkurtesë për sistemin e lëvizshëm artilerik të dhuruara për Ukrainën nga SHBA-të, sistem ky që po tregohet i efektshëm kundër ushtrisë ruse.