Analisti politik, Mentor Nazarko, ka thënë se kërcënimet me jetë drejtuar kryeministrit të Malit të Zi, Dritan Abazoviq, vijnë pasi janë prekur strukturat kriminale, të cilat kanë lidhje me pushtetin ekzekutiv.
“Ka zhvillime të cilat nuk janë raportuar me intensitet që e meritojnë, dhe që lidhen me luftën ndaj krimit të organizuar që po zhvillohet nga qeveria aktuale e Malit të Zi, me intensitet të madh. Janë prekur struktura kriminale të çimentuara në lidhjet e tyre me pushtetin ekzekutiv. Ky ndryshim i qeverisjes ka bërë që të prishen këto lidhje të çimentuara, dhe goditjet e njerëzve të fuqishëm, për shkak të këtyre lidhjeve, ka bërë që të ketë reagim”, ka thënë Nazarko në ABC News, transmeton Klankosova.tv.
Nazarko tha se kërcënimet me jetë ndaj Avazoviqit kanë ndodhur shpesh, qoftë gjatë kohës kur ai ishte zëvendëskryeministër, qoftë tani.
“Kemi kërcënime me jetë, të cilat janë për shkak të prishjes së status-quos, marrëdhëniet kriminale mes grupeve që operojnë jo vetëm në trafikun e kokainës, së cigareve e të tjera, por edhe duke ruajtur pozitë të privilegjuar në tregje të caktuar të ekonomisë së Malit të Zi”
“Ky kërcënim i personalizuar është duke tregues i qartë se kush është duke udhëhequr këtë fushatë spastrimi”, u shpreh Nazarko.
