Një komandant ukrainas brenda fabrikës së çelikut Azovstal në Mariupol tha se njerëzit e tij përjetuan një natë të trazuar pasi grupi i parë i të evakuuarve ishin në gjendje të largoheshin nga fabrika të dielën.
“Sapo evakuimi i civilëve përfundoi dje, armiku filloi të përdorë të gjitha llojet e armëve. Nata ishte e shqetësuar”, tha Denys Shleha, komandant i Brigadës së 12-të Operative të Gardës Kombëtare.
“Artileria detare [ruse] punoi në Azovstal nga ora 2 e mëngjesit deri në 3 të mëngjesit. Në mëngjes u bë më e qetë”, raporton CNN, transmeton Klankosova.tv
Është e paqartë nëse një grup tjetër civilësh të bllokuar brenda kompleksit do të mund të largohen të hënën.
“Nuk do të them asgjë për evakuimin nga Azovstali. Ne po mundohemi ta bëjmë atë”, tha Shleha.
Ai tha se janë rreth 200 persona, duke përfshirë 20 fëmijë, të mbetur të bllokuar në ambientet e fabrikës.
“Ne lutemi që njerëzit të largohen nga Azovstal. Armiku godet me të gjitha llojet e armëve. Gjithçka është shumë keq”, tha ai.
“Problemi më i madh janë ushtarakët e plagosur. Spitali ynë fushor u bombardua disa ditë më parë. Kujdesi mjekësor u ofrohet ushtarakëve në kushte jashtëzakonisht të vështira. Aktualisht janë rreth 500 prej tyre në Azovstal. Lëndimet e tyre janë të shkallëve të ndryshme. Ky është problemi më i madh që duhet zgjidhur”, tha Shleha.
Shleha foli edhe për nevojën për të nxjerrë luftëtarët e mbetur nga fabrika./Klankosova.tv/.
