Moska ka akuzuar Kroacinë se ka një politikë anti-ruse për dështimin në sigurimin e kalimit “humanitar” për 24 diplomatë rusë dhe personelin e ambasadës, të cilët u dëbuan nga vendi për shkak të luftës në Ukrainë.
Zëdhënësja e Ministrisë së Jashtme ruse, Maria Zakharova, tha të hënën se qeveria e Kroacisë “po shkatërron sistematikisht marrëdhëniet dypalëshe”, sipas agjencisë ruse të lajmeve TASS, shkruan Aljazeera, transmeton Klankosova.tv.
Kroacia ka ndjekur disa shtete të tjera të Bashkimit Evropian në dëbimin e diplomatëve rusë. Kryeministri kroat Andrej Plenkoviç tha se pretendimet e Zakharovës ishin propagandë ruse dhe se rusët e dëbuar tashmë ishin larguar nga vendi, ndoshta përmes Serbisë fqinje.
