Ministri i Punëve të Jashtme i Maqedonisë së Veriut, Bujar Osmani, sot do të qëndrojë për vizitë pune në Gjermanis, ku do të takohet me Ministren e Shtetit të Republikës Federale të Gjermanisë, përgjegjëse për Evropën, Ana Lirman.
Osmani në Budenstagun gjerman, do të takohet edhe me Mihail Rot, Kryetar i Komisionit për Punë të Jashtme, dhe Anton Hofrajter, Kryetar i Komisionit për çështjet e BE-së.
Agjenda e Ministrit Osmani, parashikon edhe takime me Këshilltarët e Kancelarit gjerman Olaf Scholz dhe Jens Plotner- për politikën e jashtme dhe Undine Ruge, për çështjet e BE-së.
Qëllimi i vizitës është që të riafirmohet qëndrimi i Gjermanisë në lidhje me dosjen evropiane dhe mbështetjen në lidhje me nevojën urgjente për zhbllokimin e procesit negociues me BE-në. Në takim pritet që të shkëmbehen mendime edhe për dinamikën rajonale, si dhe për situatën e sigurisë në kontinentin evropian, në pikëpamje të sfidave të reja gjeopolitike, njofton zhurnal.mk.
