Kryetari i grupit parlamentar të PDK-së, Abelard Tahiri, ka thënë se partitë opozitare kanë mbledhur 40 nënshkrimet e nevojshme për themelimin e Komisionit Hetimor lidhur me menaxhimin e krizës energjetike.
Tahiri, pas mbledhjes së Kryesisë së Kuvendit, tha se pikë e re në këtë komision do të jenë edhe punësimet në KEK.
Edhe kryetari i Grupit Parlamentar të AAK-së, Besnik Tahiri, tha se themelimi i këtij komisioni hetimor do të vendoset si pikë në rendin e ditës së seancës ditën e enjte.
“Është më rëndësi që trajtimi i çështjeve që po vijnë nga punësimet në KEK të trajtohen nga ky komision dhe të dalë e vërteta në shesh cilado është ajo”, tha ai,
Ndërsa deputeti i Lëvizjes Vetëvendosje, Adnan Rrustemi, tha se ky komision nuk ka substancë dhe është i pabazuar në kërkesë, por tani që janë mbledhur 40 nënshkrime Kuvendi e voton përbërjen.
