Ministri i Jashtëm i Rusisë, Sergey Lavrov, ka akuzuar Shtetet e Bashkuara të Amerikës se kanë “injoruar” kufizimet e hapësirës ajrore që Moska ka vënë nëpër rajonet bregdetare në Detin e Zi që prej nisjes së luftës në Ukrainë.
“Ata totalisht e kanë injoruar faktin që pas operacionit special ushtarak, ushtria jona ka deklaruar zona relevante në Detin e Zi, si zona me status të kufizuar për përdorim të çfarëdo fluturakeje”, është shprehur Lavrov, raporton CNN.
Lavrov ka fajësuar ShBA-në se “në vazhdimësi provokon me synim të rritjes së tensioneve”.
“Çfarëdo incidenti që provokon përballje në mes të dy fuqive bërthamore, gjithnjë paraqet një rrezik të madh”.
Rrini të informuar mbi zhvillimet kryesore duke u bërë pjesë e komunitetit tonë në Viber.
