Gazeta Prestigji
  • LAJME
  • EKONOMI
  • RAJONI & BOTA
  • SPORT
  • SHËNDETËSI
  • TECH
No Result
View All Result
  • LAJME
  • EKONOMI
  • RAJONI & BOTA
  • SPORT
  • SHËNDETËSI
  • TECH
No Result
View All Result
Gazeta Prestigji
Home RAJONI & BOTA

Kush mund të jetë lideri i ri i Al-Kaidës?

prestigji.com by prestigji.com
2 weeks ago
in RAJONI & BOTA
A A
Kosova.info
Share on FacebookShare on Twitter
Advertisement

Reuters

Shtetet e Bashkuara kanë vrarë liderin e Al-Kaidës, Ayman al-Zawahiri, në një sulm me dron. Zyrtarët në Uashington thanë se ai u vra teksa po qëndronte në ballkonin e shtëpisë së tij në qendër të Kabulit, në Afganistan. Vrasja e al-Zawahirit konsiderohet si goditja më e madhe ndaj këtij grupi militant qëkur u vra Osama bin Laden më 2011.

Në këtë tekst mund të mësoni më shumë për disa prej komandantëve më të lartë që, sipas ekspertëve, mund të marrin udhëheqjen e organizatës terroriste.

Saif al-Adel

Saif al-Adel është një figurë misterioze dhe pak i njohur për publikun. Ai është ish-oficer i forcave speciale të Egjiptit dhe anëtar i lartë i Al-Kaidës.

Një fotografi e Saif al-Adel e publikuar nga FBI-ja më 2001.
Një fotografi e Saif al-Adel e publikuar nga FBI-ja më 2001.

Shtetet e Bashkuara kanë ofruar 10 milionë dollarë shpërblim për informacione që do të mund të çonin në arrestimin e tij.

Al-Adel dyshohet se ka qenë i përfshirë në vrasjen e presidentit të Egjiptit, Anwar Sadat, më 1981. Ai më pas u largua nga shteti më 1988 për t’iu bashkuar luftës muxhahedine kundër pushtimit sovjetik të Afganistanit.

Al-Adel, që është një prej shefave ushtarak të Al-Kaidës dhe shpesh thuhet se është numri tre në këtë organizatë, ka ndihmuar në planifikimin e sulmeve me bomba kundër ambasadave amerikane në Najrobi dhe Dar as Salam më 1998. Ai po ashtu, gjatë viteve ‘90 ka ngritur kampe trajnimi të Al-Kaidës në Sudan, Pakistan dhe Afganistan.

Më 2004, ditari i al-Adelit u gjet gjatë bastisjeve në Arabinë Saudite. Roli i tij në Al-Kaida përshkruhet si trajnues, udhëheqës ushtarak dhe anëtar i ekipit të sigurisë së bin Ladenit.

Para se t’i bashkohej Al-Kaidës, ai kishte qenë pjesëtar i organizatës së Xhihadit Islamik të Egjiptit, organizatë që ishte e vendosur që ta rrëzonte qeverisjen në këtë shtet.

Emri i al-Adel, po ashtu, është lidhur me vrasjen e gazetarit amerikan, Daniel Pearl, në Pakistan më 2002, kanë thënë hetuesit amerikanë në një raport.

Gjetjet nga hetuesit të Projektit Pearl zbuluan se al-Adel kishte diskutuar për rrëmbimin e Pearl me Khalid Sheikh Mohammad, që njihet edhe si KSM dhe akuzohet si arkitekti i sulmeve të 11 shtatorit të vitit 2001 në Shtetet e Bashkuara.

Al-Adel ishte emëruar udhëheqës në detyrë i Al-Kaidës, pas vdekjes së Osama bin Ladenit.

Yezid Mebarek

Yezid Mebarek, që njihet edhe me emrin Ubaydah Yusuf al-Anabi, u bë emir i Al-Kaidës në Magrebin Islamik më 2020, kur gjatë bastisjeve të Francës u vra paraardhësi i tij.

Mebarek, nga Algjeria, ka udhëhequr operacione mediale për Al-Kaidën në Magrebin Islamik, dhe më 2013 ai lëshoi një video duke bërë thirrje për sulme ndaj interesave franceze, pasi Parisi dërgoi trupa për të ndihmuar në shtypjen e kryengritjes së militantëve në Mali.

Advertisement

Mebarek, 53 vjeç, është një veteran i luftës civile të Algjerisë në vitet ’90, luftë që u zhvillua midis Qeverisë dhe forcave islamike. Ai u ngrit në hierarkinë e grupit GSPC.

Al-Kaida në Magrebin Islamik shfrytëzoi kaosin në mbarë rajonin e Sahelit dhe u bë një prej rrjeteve më aktive globale dhe një prej degëve më të rëndësishme të grupit terrorist, duke rrëmbyer shtetas perëndimorë dhe duke kryer sulme në të gjithë territorin e këtij rajoni.

Si shenjë e rëndësisë për Al-Kaidën së degës në Magrebin Islamik, paraardhësi i Mebarekut, Abdelmalek Droukdel, ishte pjesë e udhëheqjes qendrore të grupit islamik nën Zawahirin, para se të vritej nga forcat franceze më 2020.

Megjithatë, analistët besojnë se Al-Kaida në Magrebin Islamik ka humbur fuqinë ndaj grupeve të reja militante në Sahel, që është një prej arenave më të rëndësishme në botë për aktivitet xhihadist. Ndërkaq, Mebarek raportohet se vuan nga lëndimet e mëhershme dhe nuk ka karizmin e paraardhësit të tij, Droukdel.

Abd al Rahman al-Maghrebi

Byroja Federale e Hetimeve (FBI) e kërkon për ta marrë në pyetje Abd al-Rahman al-Maghrebin nga Maroku për shkak të lidhjeve të tij me anëtarësinë e Al-Kaidës. Ai kishte studiuar programim softuerik në Gjermani para se të shpërngulej në Afganistan, ku u zgjodh për të menaxhuar krahun kryesor të medias të Al-Kaidës, tha FBI.

Ai është dhëndër i Zawahirit dhe lider i lartë në Al-Kaida.

Dokumentet që janë siguruar gjatë operacionit ku u vra bin Laden, tregojnë se al-Maghrebi ka qenë një prej zyrtarëve në ngritje në hierarkinë e Al-Kaidës për vite me radhë. Ai ka shërbyer në postin e menaxherit të përgjithshëm të Al-Kaidës në Afganistan dhe Pakistan.

Advertisement

Lexo edhe

Kosova.info
RAJONI & BOTA

Evropa goditet rëndë nga thatësira

August 14, 2022
Mbyllet edicioni i 21-të i Dokufest-it
RAJONI & BOTA

Mbyllet edicioni i 21-të i Dokufest-it

August 14, 2022
Brigada 64: Njësiti famëkeq i ushtrisë ruse me numër të madh viktimash
RAJONI & BOTA

Brigada 64: Njësiti famëkeq i ushtrisë ruse me numër të madh viktimash

August 14, 2022
Kosova.info
RAJONI & BOTA

Zbardhet e kaluara kriminale e autorit të 10 vrasjeve në Mal të Zi

August 14, 2022
Kosova.Info
RAJONI & BOTA

Drithëruese/ Peshkaqeni kalon poshtë këmbëve të pushuesve në det duke shkaktuar frikë të madhe dhe panik

August 13, 2022
Kosova.info
RAJONI & BOTA

Publikohen pamjet e reja nga sulmi me thikë ndaj Salman Rushdie

August 13, 2022
Kosova.Info
SPORT

Volejboll/Kosova zë pozitën e gjashtë në Kampionatin Ballkanik

by prestigji.com
August 14, 2022
0

Kombëtarja e Kosovës U19, femrat, ka mbyllur aventurën në Kampionatin Ballkanik që u zhvillua në Mioveni të Rumanisë, me ndeshjen...

Read more
​510 raste aktive me COVID-19

393 raste të reja me COVID-19 në 24 orët e fundit në Kosovë

August 14, 2022
Dita e dytë si president, Begaj dekreton ndryshimet në qeveri

Begaj nesër viziton Kosovë, policia del me njoftim

August 14, 2022
Istog: Aksident mes autobusit dhe multikultivatorit, një i lënduar

Aksident në afërsi të Deçanit, katër të lënduar

August 14, 2022
Kosova.info

Evropa goditet rëndë nga thatësira

August 14, 2022
  • LAJME
  • EKONOMI
  • RAJONI & BOTA
  • SPORT
  • SHËNDETËSI
  • TECH

© 2021 Prestigji.com

No Result
View All Result
  • LAJME
  • EKONOMI
  • RAJONI & BOTA
  • SPORT
  • SHËNDETËSI
  • TECH

© 2021 Prestigji.com