Qeverinë e kryeqytetin e la për pak e mesditën e së mërkurës shkoi në Ferizaj.
Kryeministri Albin Kurti bashkë me vartësin e Financave, Hekuran Murati, vizitoi një fabrikë të këpucëve, e cila përfitoi nga pako e ringjalljes ekonomike vitin e shkuar.
Ndonëse joproduktiv sa punëtorët tjerë, prerjes së një mbishtrese ia mësyu vetë, njofton Klan Kosova.
Nikoqiri uroi që dora e shtetit të mos mungojë për ta. Përkrahje siguroi shefi i qeverisë, sikur edhe që nuk do lejojë jetësimin e Asociacionit të Komunave me Shumicë Serbe që sipas tij shkel Kushtetutën. Kjo nismë në rast realizimi duhet nis nga shteti serb.
Kundërshtia rritet pasi kreu i ekzekutivit beson se asociacioni e bosnjëzon Kosovën. Por Kurti beson se pajtimi për këtë, mund të arrihet bazuar në planin franko-gjerman.
Për çështjen e AKS-së u mbajt edhe një takim të martën në ambasadën amerikane në Prishtinë.
