Sot në Kuvend ka pasur replika të ashpra mes kryeministrit Albin Kurti dhe deputetit të PDK-së, Bekim Haxhiut.
“Nuk e kam ditur se nismëtari i kësaj është doktor shkence, pra ka PhD, ka doktoraturë, dhe unë besoj se kjo nismë ka ardhur sepse nismëtari ka doktoraturë, po të mos kishte doktoraturë nuk do ta bënte këtë nismë” vetëm një doktoraturë në fizioterapi ta sjellë vetëbesimin që të bësh këso lloj propozimesh në ekonomi e financa të vendit”, tha Kurti për Haxhiun, transmeton Klankosova.tv.
Në replikë të kësaj, deputeti Haxhiu tha se ka vetëm një kërkesë nga Kurti, të mos iu bëj presion deputetëve të LVV-së se si të votojnë për tërheqjen e mjeteve nga Trusti.
“Nëse vazhdon me qëndru në zyre, e mos me i dëgju kërkesat e qytetarëve, ke me pas edhe probleme të dhimbjes së shpinës, ke me pas nevojë edhe për fizioterapi, jam i gatshëm me të trajtu pa pare për atë punë, sa herë që ki nevojë”, tha Haxhiu.
Kurti nuk e la me kaq, duke i thënë Haxhiut se është i interesuar të dijë se me kë është konsultuar Haxhiu për këtë nismë.
“Sepse nuk je i kësaj fushe. Do të ju dëgjoj kur ta merrni nismën e Projektligjit për masazh. Ama Projektligji për Trust… s’ka kurrfarë kuptimi kjo punë, prandaj minimumi që dua të di është se kush janë ekspertët që të kanë thënë se duhet ta marrësh këtë nismë”, tha kryeministri.
“Po të ishte deputet Bedri Hamza nuk do ta propozonte. Në emër të LDK-së nuk foli as Avdullah Hoti, as Lumir Abdixhiku, as Hykmete Bajrami. ty ta kanë lonë këtë punë. Fizioterapisti me doktoraturë të propozojë tërheqjen e trustit”.
