Kosova synon që sigurimin ndërkombëtar ta ketë përmes një shteti të dytë (VIDEO)

Kahdo në Evropë, që kosovarët ia mësyjnë me makinë, duhet të paguajnë sigurim ekstra.

Atë që e kanë, shtetet nuk ua njohin, meqë vendi i tyre nuk është pjesë e Kartonit të Gjelbër, rrugën drejt së cilës e pengon mos anëtarësimi në OKB, transmeton Klankosova.tv.

Por kjo gajle mund tu hiqet vozitësve së shpejti, nëse më 28 korrik Këshilli i Byrosë Evropiane pranon propozimin e Kosovës, që sigurimin ndërkombëtarë ta ketë përmes një shteti të dytë, anëtar i Kartës Ndërkombëtare të Sigurimit.

Optimizmin për arritjen e një alternative të tillë e shton plotësimi i kushteve për këtë punë.