Ankesat e të akuzuarve për gjykimin mbase nuk do të mbesin vetëm brenda Gjykatës Speciale.
Ato do të mund të mbikëqyren nga një mekanizëm që kryetari i Kuvendit, Glauk Konjufca, pas vizitës në Akademinë e Shkencave dhe Arteve të martën, kërkoi të krijohet.
Një të tillë që nuk e ka Kosova, shteti që e themeloi Specialen, thotë se aktualisht nuk po bëhet as nga bashkësia ndërkombëtare.
Bindja e kryeparlamentarit për nevojën e këtij organi vjen pasi vizitoi ish krerët e UÇK-së, që po gjykohen në Hagë, për të cilët tha se janë mirë dhe me vullnet të fortë.
Specialja ka një Gjykatë Kushtetuese e cila më 14 qershor rrëzoi ankesën e Hashim Thaçit, Kadri Veselit dhe Jakup Krasniqit për shkeljen e të drejtave themelore.
