Kërkova mbështetje për anëtarësim në KiE

Ish-ministri i Punëve të Jashtme, Enver Hoxhaj, është takuar me Ministrin e Punëve të Jashtme të Sllovakisë, Ivan Korcok.

Hoxhaj, ka bërë të ditur se në cilësinë e nënkryetarit të Kuvendit të Kosovës, i ka kërkuar atij mbështetje për Kosovën në anëtarësimin e saj në Këshill të Europës.

“Një takim i shkurtër me Ministrin e Punëve të Jashtme të Sllovakisë, Ivan Korcok. Si nënkryetar i Kuvendit të Kosovë, nga opozita, kërkova mbështetje për anëtarësimin e Kosovës në Këshillin e Evropës!”, ka shkruar Hoxhaj.

Ai shtoi se Kosova është vendi më demokratik në Ballkan dhe i përket Këshillit të Europës.