Ish-agjenti i lartë i FBI-së në Nju Jork për kundërzbulimit u arrestua së bashku me një ish-diplomat rus dhe u akuzua për shkeljen e sanksioneve të SHBA-së ndaj Rusisë. Kjo për shkak se ai pasi u largua nga FBI, ndihmoi oligarkun rus Oleg Deripaska të hiqej nga lista e sanksioneve, njoftojnë prokurorët federaë.
Ish-agjenti, Charles McGonial u akuzua ndaras të hënën në një gjyq federal në Uashington, D.C. në lidhje për pranimin e 225 mijë dollarëve para të thata përderisa ishte ende duke punuar në FBI. Këto para i kishte marrë nga një person, i cili kishte interesa biznesore në Evropë dhe kishte qenë punëtor i shërbimit të inteligjencës së huaj të Shqipërsisë, raporton CNBC, përcjell Klankosova.tv.
Po i njëjti person më vonë u bë burim i FBI-së në një hetim kriminal për lobim të jashtëm politik, të cilin McGonial po e mbikqyrte, thonë autoritetet.
McGonia, i cili u akuzua për lëshime të deklaratave të rreme dhe akuzave tjera në atë rast, gjithashtu nuk arriti të zbulonte, siç kërkohej, se gjatë një udhëtimi në Shqipëri dhe Kosovë në tetor të vitit 2017, se ai ishte takuar me kryeministrin e Shqipërisë dhe me një politikan kosovar.
“Z. McGonial tradhtoi betimin e tij ndaj Shteteve të Bashkuara në këmbim për arritje personale në llogari të sigurisë sonë kombëtare”, deklaroi ndihmësdrejtori i FBI-së, Donald Alway.
Në rastin që lidhet me Deripaskan, hetimi 5-pikësh në Gjyqin e Qarkut në Manhattan akuzon McGonial dhe Sergey Shestakov për shkelje të sanksioneve ruse për qëllimë të shpërlarjes së parave.
Shestakov, është një ish-diplomat sovjetik dhe rus, i cili së fundi punoi si interpretues për prokurorët dhe gjyqin federal në Brooklyn. Ai gjithashtu ka nënshtetësi amerikane.
Si banor i Morris në Connecticut, Shestakov akuzohet gjithashtu se ka gënjyer FBI-në gjatë marrjes në pyetje duke fshehur natyrën e marrëdhënies së tij dhe McGonigal me një punonjës të Deripaskas, i cili gjithashtu u përfol se ishte një spiun rus.
Ndërhyrjet e supozuara kriminale për Deripaskan filluan në vitin kur McGonial u pensionua nga FBI në vitin 2018, pas 22 vjetësh në shërbim.
Hetimi thotë se ai po ashtu ka shfrytëzuar lidhjet e tij përforcuese ligjore para pensionimit që të angazhojë si praktikane vajzën e Deripaskas në Departamentin e Policisë së Nju Jorkut.
Për aq kohë sa ishte ende i punësuar në FBI, McGonial më herët kishte hetuar Deripaskan, i cili fitoi pasurinë me industinë e tij të aluminit në Rusi. Agjentët e FBI-së në tetor të vitit 2021 bastisën prona në Nju Jork dhe Uashington që lidheshin me Deripaskan.
McGonial u arrestua në mbrëmjen e së shtunës në Aeroportin Ndërkombëtar JFK në Nju Jork, pasi po kthehej nga Lindja e Mesme.
Ndërsa, edhe Shestakov u arrestua po të njëjtën ditë dhe të dy u paraqitën në gjyq të hënën.
McGonial u deklarua i pafajshëm dhe u lirua përmes pagesës së garancisë prej 500 mijë dollarësh.
Por, dënimet ndaj tij dhe Shestakov mund të shkojnë deri në 20 vjet me burgim, në qoftë se shpallen fajtorë.
