Gjilan: Haxhiut i prezantohen fotografitë e grave që u ushtrua dhunë ndaj tyre (FOTO)

Ministrja e Drejtësisë Albulena Haxhiu, e ka vizituar sot qytetin e Gjilan.

Ajo së bashku me kryetarin e kësaj komune Alban Hysenin, e kanë vizituar Qendren ku strehohen gratë ndaj të cilave është ushtruar dhunë.

Haxhiut iu prezantuan edhe disa fotografi të grave që u ushtrua dhunë ndaj tyre.

Sivjet në këtë strehimore janë lajmëruar gjashtë raste, një grua me tre fëmijë si dhe dy gra të tjera, njofton Klan Kosova.

Kjo është vizita e parë e Haxhiut nëpër komuna, në kuadër të fushatës së vizitave, kryesisht me temën e dhunës ndaj grave, por edhe tema të tjera të drejtësisë.