Agjensia Roja Kufitare Polake ka bërë të ditur se rreth 2.5 milionë njerëz janë larguar nga Ukraina në Poloni që nga fillimi i luftës.
Megjithatë, numrat që kalojnë kufirin kanë rënë ndjeshëm në javët e fundit.
Të dielën 22 mijë e 300 kaluan kufirin, 6 përqind më pak nga e shtuna, shkroi agjencia në Tëitter, dhe shumë më poshtë rekordit prej 142 mijë e 300 të vendosur më 6 mars.
Numri mesatar ditor i njerëzve që kalonin kufirin për në Poloni para fillimit të luftës ishte 16 mijë e 800.
Ka edhe një numër në rritje që shkojnë në Ukrainë, raporton BBC, transmeton Klankosova.tv.
Agjensia bëri të ditur se që nga fillimi i luftës, 457 mijë njerëz kanë hyrë në Ukrainë nëpërmjet Polonisë.
Vetëm të dielën, 15 mijë njerëz kaluan në Ukrainë nga Polonia, nga 21 mijë të shtunën.
Disa nga njerëzit që ikën nga Ukraina janë larguar tashmë nga Polonia. Hulumtuesi i migracionit në Universitetin e Varshavës, Maciej Duszczyk vlerëson se rreth 1.3 deri në 1.4 milionë refugjatë kanë mbëtur në Poloni.
