Zëvendëskryeministri i parë për Integrim Evropian, Zhvillim dhe Dialog i Kosovës, Besnik Bislimi priti në takim përfaqësuesit e Misionit të Fondit Monetar Ndërkombëtar (FMN), të udhëhequr nga Gabriel Di Bella.
Në takimin u vlerësua pozitivisht qasja dhe strategjia e Qeverisë në përballimin e krizave të shumëfishta, formalizimin e aktiviteteve të ekonomisë dhe krijimin e një vizioni për të ardhmen prosperuese të vendit, thuhet në komunikatën e Zyrës së Kryeministrit.
FMN u shpreh i gatshëm për të ndihmuar me asistencë të mëtejme teknike dhe gjetjen e formave të tjera të thellimit të bashkëpunimit, shkruan Klankosova.tv.
Duhet rikujtuar se në raportin e fundit të FMN-së, Kosova është vlerësuar pozitivisht, me rritjen dhe performancën më të mirë nga vendet e Ballkanit Perëndimor.
Megjithatë, në takim u diskutua mbi mungesën e stabilitetit në tregun energjetik ndërkombëtar dhe efektet e saj në Evropë dhe rajon, të cilat janë ndjerë dhe në Kosovë.
Klikoni KËTU për t’u bërë pjesë e kanalit zyrtar të Klan Kosovës në Viber.
Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
