Presidenti turk Rexhep Tajip Erdogan i kërkoi të hënën Rusisë dhe Ukrainës që të veprojnë me përgjegjësi dhe të respektojnë marrëveshjet që nënshkruan në Stamboll në javën e kaluar në lidhje me eksportin e drithërave ukrainase.
“Ne presim që të gjithë të kenë nënshkrimet e tyre mbi marrëveshjen dhe të veprojnë sipas përgjegjësive të tyre që kanë marrë. Ne duam që të gjithë të shmangin veprimet që janë kundër frymës së marrëveshjes”, tha ai, duke folur për transmetuesin shtetëror turk TRT, transmeton Klankosova.tv.
Duke reaguar ndaj sulmeve me raketa ruse që goditën portin jugor të Ukrainës të Odesës vetëm një ditë pasi Kievi dhe Moska nënshkruan një marrëveshje të ndërmjetësuar nga Turqia dhe Kombet e Bashkuara për të lejuar dërgesat, Erdogan tha se Stambolli ka shtuar përpjekjet e tij diplomatike për të shmangur çdo pasojë nga sulmi në Odesa.
“Na pikëllon që diçka e tillë ka ndodhur. Ky lloj dështimi do të ishte i dëmshëm për të gjithë ne. Ne jemi të vendosur ta zbatojmë këtë marrëveshje me të gjithë komponentët e saj dhe përpjekjet tona në këtë drejtim vazhdojnë”, nënvizoi ai.
