Ekipet e shpëtimit nxorrën të gjallë një grua nga rrënojat e një ndërtese të shembur në Turqi të hënën dhe një ekip tjetër po gërmonte një tunel për të arritur që të shpëtojnë një grua të moshuar, një nënë dhe një foshnje.
Një javë pasi një tërmet i madh goditi Turqinë dhe Sirinë, numri i të vdekurve u rrit në afro 34,000 dhe duket se do të vazhdojë të rritet ndërsa shpresat për gjetjen e të mbijetuarve të tjerë janë zbehur.
Por CNN Turk raportoi se Sibel Kaya, 40 vjeç, u shpëtua në provincën jugore të Gaziantep, rreth 170 orë pasi i pari nga dy tërmetet e mëdha goditi rajonin, transmeton Klankosova.tv.
Tërmeti më vdekjeprurës në Turqi që nga viti 1939 ka vrarë 29,605 njerëz atje. Më shumë se 4,300 njerëz u raportuan të vdekur dhe 7,600 të plagosur në veriperëndim të Sirisë që nga e diela, tha një agjenci e OKB-së.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
