Digjitalizimi i administratës do jetë pikë e fortë e programit tonë për Prishtinën

 Digjitalizimi i administratës do jetë pikë e fortë e programit tonë për Prishtinën

Kandidati për kryetar të komunës së Prishtinës nga radhët e AAK-së, Daut Haradinaj, ka kërkuar reformë në administratën e Komunës së Prishtinës.

Ai tha se digjitalizimi dhe e-Qeverisja e avancuar do të jenë pikë e fortë e programit të tij, përcjell klankosova.tv.

”Reforma në administratë të Komunës së Prishtinës është e domosdoshme. Digjitalizimi dhe e-Qeverisja e avancuar do të jenë pikë e fortë e programit tonë. Deri në implementim të këtij projekti do të shtojmë kapacitetet e stafit që t’i trajtojmë qytetarët me dinjitet, pa radhë dhe me efektivitet”, tha Haradinaj.

Advertisement

Ndër të tjera Haradinaj tha se qytetarët nuk mund të presin me orë të tëra për çertifikatë të tatimit në pronë, ku digjitalizimi i këtij sektori nuk kërkon kosto të madhe.

”Qytetaret tanë nuk mund të presin me orë të tëra për çertifikatë të tatimit në pronë, edhe pse i njëjti i ka paguar.

Digjitalizimi i këtij sektori nuk kërkon kosto por thjesht duhet të ndodh”, tha tutje ai.

Advertisement

Të ngjashme