Një ndërtesë e përdorur nga Shërbimi Federal i Sigurisë së Rusisë (FSB) në qytetin jugor të Rostovit është djegur.
Pamjet dramatike të postuara në mediat sociale tregojnë një flakë të madhe që ka përfshirë pjesë të ndërtesës, me tym të dukshëm në të gjithë qytetin.
Banorët vendas thanë se dëgjuan një shpërthim të fortë para zjarrit, raporton BBC, transmeton Klankosova.tv.
Mediat ruse raportuan zjarrin duke cituar shërbimet e urgjencës, duke thënë se ndërtesa i përkiste seksionit rajonal të patrullimit kufitar të FSB-së.
FSB është shërbimi i sigurisë së brendshme të Rusisë dhe është përgjegjës për kundërzbulimin, sigurinë kufitare dhe kundër terrorizmit.
Shërbimet e urgjencës ndodhen në vendin e zjarrit, i cili duket se është ndezur në një ndërtesë në nivelin e tokës në një zonë të ndërtuar të qytetit, transmeton Klankosova.tv.
