Deri tani nuk është raportuar për ndonjë person të lënduar nga banesa e cila është përfshirë nga zjarri në rrugën “Lidhja e Prizrenit”, në lagjen “Tophane” të Prishtinës.
Këtë për Klankosova.tv e bëri të ditur Agron Borovci, zëdhënës për media Policinë e Kosovës për Prishtinën.
“Rreth orës 12:10, është raportuar për një zjarr në një objekt banimi në rrugën “Lidhja e Prizrenit” në Prishtinë”.
“Policia menjëherë ka dalë në vendin e ngjarjes, po ashtu janë ftuar edhe zjarrfikësit me qëllim të menaxhimit të përhapjes së zjarrit. Deri më tani nuk raportohet për ndonjë person të lënduar, përveç dëmeve të konsiderueshme materiale”, ka thënë Borovci, njofton Klankosova.tv.
