Gramoz Buqinca, anëtar i ekipit të zhvillimit të Kompaktit, konsulent i jashtëm Ministrisë së Financave, ka folur për marrëveshjen 202 milionëshe me Korporatën e Sfidave të Mijëvjeçarit, për fushën e energjisë.
Ai, në Info Magazine të Klan Kosovës, ka thënë se marrëveshja do të nënshkruhet nga ministrja e Ekonomisë, Artane Rizvanolli.
“Presidentja Vjosa Osmani dhe kryeministri Albin Kurti janë ftuar nga Kongresi Amerikan për të marrë pjesë në ceremoninë e nënshkrimit, ceremonia do të jetë në Capital Hill. Kjo është marrëveshja apo granti më i madh që ka fituar Kosova që nga paslufta”,ka thënë Buqinca.
Buqinca ka theksuar se kanë marrë më të mirën e mundshme nga MCC-ja, kjo duke respektuar afatet që janë caktuar.
Ai ka përmendur edhe disa bateri që janë pjesë e marrëveshjes për të cilat ka thënë se do t’i ndihmojnë shumë Kosovës.
“Bateriat mundësojnë ruajtje e energjisë, kyçje të mençur në sistemin energjetik po presim me pas në burime të ripërtritshme sa më parë. Bateriat vendosen në mënyrë të lehtë nëse ka avari ato janë modulare mundesh me e hek modulin e prishur, mundesh me zëvendësu me një modul të ri gjëja kryesore është se mundet me u lidh shumë lehtë me burime të ripërtritshme”,ka thënë Buqinca.
