Disa aktivistë kosovarë kanë dërguar ndihma në Ukrainë.
Aktivisti Valon Arifi, tha se kanë gati pesë javë që janë angazhuar në mbështetjen e refugjatëve ukrainas dhe se pasi kanë krijuar disa kontakte me spitale në Ukrainë, kanë dërguar atje medikamente.
“Kemi gati pesë javë që jemi aktivizuar për të mbështetur qytetarët ukrainas që ishin refugjatë në kufirin në mes Polonisë dhe Ukrainës dhe atij mes Sllovakisë dhe Ukrainës, pas vendimit të qeverisë së Kosovës për të ndihmuar refugjatët jashtë shtetit të Ukrainës ne ndryshuam idenë tonë dhe krijuam disa kontakte me disa spitalet ushtarake brenda Ukrainës për shkak edhe të përvojës sonë personale të së kaluarës sonë, pas kontakteve tona me tri spitale, kontigjeni i parë ka mbërritur në një spital në jug të Ukrainës, ku kemi dërguar medikamente.
Ai tha se ndihmat e dërguara kryesisht përfshijnë antibiotikë dhe fasha për plagë.
“Kemi katër kompani të barnave si donatorë, të cilët kanë dërguar ndihmat e para atje, medikamente që janë kërkesë e drejtpërdrejtë e mjekëve atje, antibiotikë dhe fasha për plagë”, shtoi ai.
Sipas Arifit, nuk janë ndihmuar nga institucionet shtetërore dhe se dërgimi i ndihmave është bërë nga disa kolegë që i kishin në Ukrainë.
“Edhe pse kemi kontaktuar zyrat e ministrisë, kryeministrisë e presidencës nuk na janë përgjigjur, por me ndihmën e një miku, ka kontaktuar drejtpërdrejt atje,, kanalet e dërgimit të ndihmave është bërë me disa koleë atje”.
Arifi theksoi se këto janë ndihma që vijnë nga qytetarët dhe kompanitë e Kosovës, “E kemi pasë si ide që me qenë nga qytetarët jo nga institucionet”.
Ai tha se do të vazhdojnë edhe tutje të ndihmojnë ukrainasit.
