Aleanca për Ardhmërinë e Kosovës vazhdon të deklarohet se mbështet propozimin evropian mbi normalizimin e raporteve në mes të Kosovës dhe Serbisë.
“Pa asnjë mëdyshje e kemi vlerësuar se është një marrëveshje që brenda vetes ka njohjen “defakto” të shtetit të Kosovës dhe që është interes nacional i yni!”, theksohet në komunikatën e kësaj partie, përcjell KlanKosova.tv.
“I kemi dhënë mbështetje këtij projekti pa kurrfarë kalkulimi partiak apo elektoral.
Prandaj përpjekja e disa individëve, apo grupimeve të caktuara që këtë qëndrim të interesit nacional e shtetëror të Aleancës, ta vendosin në mozaikun e shkurtpamësisë së tyre, s’është gjë tjetër përpos mjerimi i tyre!”.
Sipas tyre Kosova duhet ta përfundojë rrugën e çlirimit dhe shtetndërtimin bashkë me aleatët me në krye ShBA-në.
Rrini të informuar mbi zhvillimet kryesore duke u bërë pjesë e komunitetit tonë në Viber.
BONUS: Merreni aplikacionin tonë në Android dhe iOS.
