Kandidat për kryeministër të Kosovës, Ramush Haradinaj, ka thënë se gjatë kohës sa e ka udhëhequr qeverinë e vendit, organet e rendit e kanë identifikuar si të dyshuar Milan Radojçiqin, për një situatë të caktuar.
Ai ka thënë se është bërë edhe bastisje në shtëpinë e tij, dhe se nga koha kur ishte kryeministër, Radojçiqi s’u kthye në Kosovë.
Por, siç tha kreu i AAK-së, krimineli serb u kthye me armë gjatë qeverisjes së Albin Kurtit.
“Unë e kam pritur Radojçiqin si ky që e ka pasur ministër Rakiqin dhe e ka Rashiqin. E kam pritur si zyrtar, atëherë nuk ka qenë ky që është sot. E ka lëshuar qeverinë e Kosovës edhe Lista Serbe, kur i kemi votuar ligjet e ushtrisë. Gjatë kohës së qeverisjes sa kam qenë kryeministër, organet e rendit e kanë identifikuar si të dyshuar për një situatë të caktuar, i kanë shkruar në shtëpi me bastisje e që atëherë Radojçiqi s’ka qenë në Kosovë, nga qeveria ime pra. Në kohën e këtyre, është kthyer me armë, por para se të kthehej me armë, e ka ndërtuar edhe një vilë atje të re në kohën e qeverisë Kurti, e këta e kanë lavdërimin e tyre që e kemi ndjek”, ka deklaruar Haradinaj.
Një reagim ndaj tij ka bërë analisti nga Amerika, Binak Maxharraj, i cili thotë se Haradinaj ka harruar se kur ka qenë kryeministër e ka pritur në zyre Radojçiqin.
Sipas tij, qenkan dy të atillë dhe e përdorin sipas nevojës
“Haradinaj tha se Milan Radojciq u kthye me armë në qeverinë Kurti, sa mirë që nuk e paska vrarë dikë brenda qeverisë së Kosovës! Por, z. Haradinaj nuk tregoi se cilës rrugë i ka ra dhe nga cila derë ka hyrë Radoiciqi kur ka hyrë në Kosovë?! Ndoshta ka fluturuar kur askush nuk e ka parë. Por, z.Haradinaj sikur paska harruar se kur ai u bë kryeministër mbi tetë orë e ka pritur “Srpska listën” për ta votuar atë për kryeministër. Pra, z. Haradinaj sikur paska harruar se kur ai ishte kryeministër po Milan Radojciqin e priti në zyrën e tij në Kryeministri dhe për këtë pritje Haradinaj kishte dhënë sqarim shumë të çuditshëm duke theksuar se “E kam pritur si zyrtar, atëherë Radojçiqi nuk ka qenë ky që është sot”, domethënë sipas tij qenkan dy Radojçiqa të cilin e përdorim sipas nevojës”, ka shkruar Maxharraj
Të tjera
Aktuale
Haxhi Shala dënohet me tri vjet burgim, Januzin dhe Bahtijarin me nga dy vjet
Dhomat e Specializuara të Kosovës, me
Sport
Ansu Fati refuzoi një ‘mega ofertë’ në ditën e fundit të afatit kalimtar të janarit
Ansu Fati dëshiron të luftojë për
Bota
Trump paralajmëron se “nuk ka garanci” armëpushimi në Gazë ndërsa Netanyahu po qëndron në Washington për bisedime
Presidenti Donald Trump dhe Benjamin Netanyahu