592 raste aktive me COVID-19 në Kosovë

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se numri i rasteve aktive me coronavirus është 592.

Sipas njoftimit të MSH-së, numri i përgjithshëm i të shëruarve është 225.467, ndërkaq nga fillimi i pandemisë nga coronavirusi kanë vdekur 3,140 persona.

Ndërkaq në 24 orët e fundit  janë dhënë 57 doza të vaksinës kundër COVID-19

Prej fillimit të vaksinimit në të gjitha qytetet e Kosovës janë dhënë 1.830.533 doza të vaksinës.

Deri më sot 903.439 qytetarë janë vaksinuar me dozën e parë, kurse me dozën e dyte 823.740.