UNIFIL thotë se rritja e dhunës në kufirin Liban-Izrael është alarmante

UNIFIL thotë se rritja e dhunës në kufirin Liban-Izrael është alarmante

UNIFIL, agjencia e OKB-së e ngarkuar me mbikëqyrjen e kufirit midis Libanit dhe Izraelit bëri thirrje për qetësi.

Deklarata erdhi pasi ushtria libaneze (LAF) raportoi më parë se një nga ushtarët e saj u vra në një bombardim izraelit në territorin libanez.

“Kjo është hera e parë që një ushtar i LAF-së vritet gjatë kësaj periudhe kritike. Forcat e Armatosura Libaneze nuk janë përfshirë në konflikt me Izraelin”, shkroi UNIFIL në X.

“Gjatë ditëve të fundit, ne kemi parë një rritje të shpejtë dhe alarmante të dhunës. Ne vazhdojmë t’u bëjmë thirrje atyre që shkëmbejnë zjarr përgjatë Linjës Blu që t’i japin fund ciklit të dhunës, e cila mund të çojë në pasoja shkatërruese për njerëzit në të dy anët e Linjës Blu”, shtoi agjencia e OKB-së.

Linja Blu është një vijë demarkacioni midis Libanit dhe Izraelit që u krijua nga OKB-ja në vitin 2000 për të përcaktuar nëse forcat izraelite ishin tërhequr plotësisht nga Libani, raporton Al Jazeera, transmeton Klankosova.tv.

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.