Greqi, 1,200 fëmijë evakuuohen nga një kamp veror

kamp

Më shumë se një mijë fëmijë janë evakuuar nga një kamp veror pas zjarreve që shpërthyen në Greqi.

Dy zjarre të ndara po përhapen në vendin i cili është duke i vuajtur efektet e një vale të nxehtë mesdhetare.

Në qytetin bregdetar të Loutraki, në perëndim të Athinës, 1,200 fëmijë u evakuuan derisa flakët iu afruan kampit të tyre.

Ndërkohë, policia arrestoi një burrë që dyshohet se ndezi një tjetër zjarr në Kouvaras, në jug-lindje të kryeqytetit.

Dhjetëra njerëzve u është dashur të largohen nga shtëpitë e tyre, të ndihmuar nga ekipet e shërbimit të urgjencës. Gjithashtu u desh të evakuoheshin disa kafshë, duke përfshirë një numër kuajsh që ishin në stalla që morën flakë, shkruan BBC, transmeton Klankosova.tv.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS