Lidhja Demokratike e Kosovës përmes një postimi në Facebook, ka njoftuar se Dragashi ka mbyllur procesin zgjedhor.
Kryetar i Degës së kësaj partie në Dragash është zgjedhur Bexhet Xheladinit, kryetari aktual i komunës së Dragashit.
“Dragashi ka mbyllur me sukses procesin zgjedhor, sot në Kuvendin X Zgjedhor të degës. Gjatë procesit janë përfshirë mbi 750 qytetarë dhe veprimtarë të LDK-së, të cilët ia besuan drejtimin e degës Dr. Bexhet Xheladinit, kryetarit aktual të komunës së Dragashit. Zgjedhja e kryetarit të ri të LDK-së në Dragash, Bexhet Xheladini ishte demokratike dhe rezultat i punës dhe përkushtimit të vazhdueshëm në komunën e Dragashit”, thuhet në njoftimin e LDK-së.
Në njoftimin e tyre thuher se punimet e Kuvendit i ka përshëndetur dhe nënkryetari i LDK-së, Gazmend Muhaxheri njëkohësisht kryetar i komisionit zgjedhor qendror të LDK-së.
“Kryetari i LDK-së, Lumir Abdixhiku ka mirëpritur Kuvendin Zgjedhor dhe përfundimin e procesit në Drgash sa demokratik aq dhe transparent. Kryetari Abdixhiku falënderon të gjithë veprimtarët e veprimtaret e LDK-së në Dragash që u angazhuan në gjithë procesin duke rikujtuar që na pret rrugëtim i gjatë së bashku”.
“Lidhja Demokratike e Kosovës po vazhdon procesin e saj zgjedhor me angazhim të madh të veprimtarëve, aktivistëve e të rinjve e të rejave të cilët rrugën e re të nisur nga kryetari Abdixhiku po e shfaqin hapur e qartë drejt një angazhimi tjetër të përbashkët për jetë më të mirë në Republikën tonë ashtu siç e duam”, thuhet tutje në njoftim.
Rrini të informuar mbi zhvillimet kryesore duke u bërë pjesë e komunitetit tonë në Viber.