Kryetari i PDK-së, Memli Krasniqi, bashkë me shefin e deputetëve të kësaj partie, Abelard Tahiri, vizituan selinë e ALDE-së, familjes së partive liberale dhe demokrate të Evropës.
Gjatë këtij takimi, Krasniqi e Tahiri takuan sekretarin Didrik de Schaetzen, me të cilin folën për zhvillimet e fundit politike në Kosovë.
“Aty takova Sekretarin Gjeneral, Didrik de Schaetzen, me të cilin diskutuam për zhvillimet e fundit politike në Kosovë dhe rajon, por edhe për implikimet e zgjedhjeve për Parlamentin Evropian që mbahen vitin e ardhshëm”, tha Krasniqi, transmeton Klankosova.tv.
Tutje, ai tha se mbështetja e ALDE-së për PDK-në dhe partitë anëtare të saj është vlerë e inkurajim për ta.
Rrini të informuar mbi zhvillimet kryesore duke u bërë pjesë e komunitetit tonë në Viber