Ngritjen e aktakuzës në mungesë, Prokuroria Speciale pati mundësi ta bëjë për herë të parë të mërkurën e 2 majit, ndonëse ndryshimet në Kodin e Procedurës Penale hynë në fuqi qysh në muajin shkurt.
Këtij procesi gjyqësor do t’ia bëjë sefte serbi D.R. që si pjesëtar i forcave rezervë ushtarake të Serbisë dyshohet se dhunoi një grua, raporton Klan Kosova.
Nga Qendra që merret me trajtimin e të dhunuarve gjatë luftës po thonë se kjo është shpresa e vetme për drejtësi.
Njëjtë thotë edhe ish-udhëheqësi i grupit punues që i bëri këto ndryshime në Kodin Penal.
Gjykimi në mungesë, pas përmbushjes së disa kushteve të përcaktuara me Kodin e ri Penal, mund të bëhet jo vetëm për krime lufte, por edhe për vepra të tjera penale. /Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber