Kryetari i AAK-së Ramush Haradinaj, ka thënë se liria e medias dhe fjala e lirë, janë vlerë e panegociueshme e demokracisë.
Haradinaj këtë deklaratë ai e bëri me rastin e Ditës Botërore të Lirisë së Mediave.
“Sot në Ditën Botërore të Lirisë së Mediave, por edhe si çdo ditë tjetër reflektojmë mbi rëndësinë e lirisë së fjalës, lirisë së mendimit e të medias”, ka shkruar Haradinaj.
Sipas tij, shqetësuese mbeten sulmet që i bëhen mediave dhe gazetarëve dhe tendenca e pushtetit për kontroll ndaj tyre.
“Mbrojtja e gazetarëve dhe medias së lirë është ndër parimet e panegociueshme dhe është obligim institucional e shoqëror ta ruajmë dhe avancojmë këtë segment të lirisë sonë!”.
“Shqetësuese mbeten sulmet që i bëhen gazetarëve e mediave dhe tendenca nga disa eksponentë të pushtetit për kontroll ndaj tyre”, është shprehur Haradinaj.
Ai ka thënë se mbrojtja e fjalës së lirë është vlerë e panegociueshme e demokracisë.
“Jemi në krah të tyre, në mbrojtje e respekt të fjalës së lirë, si vlerë e panegociueshme e demokracisë”, ka përfunduar Haradinaj.