Një alpinist amerikan ka vdekur gjatë ngjitjes për në malin Everest të hënën, sipas një organizatori të ekspeditës.
“Jonathan Sugarman vdiq në Kampin 2 pasi filloi të mos ndihej mirë”, tha Pasang Sherpa për CNN të martën, transmeton Klan Kosova.
Sugarman me bazë në Seattle ishte pjesë e një ekspedite të organizuar nga International Mountain Guides (IMG) me bazë në shtetin e Uashingtoni.
Sherpa shtoi se “trupi i tij mbetet në kampin 2 me pjesën tjetër të ekipit të ngjitjes”.
Kjo vjen pasi Nepali ka lëshuar leje për një rekord 463 alpinistësh deri më 26 prill, për ekspeditat e këtij sezoni pranveror në malin Everest.
Pas vdekjes së Sugarman, Ambasada e Shteteve të Bashkuara lëshoi një deklaratë. “Mund të konfirmojmë se Dr. Jonathan Sugarman ndërroi jetë duke u ngjitur në malin Everest të hënën më 1 maj”, thuhet në njoftim. “Ngushëllimet tona më të thella shkojnë për familjen dhe miqtë e tij.
Rrini të informuar mbi zhvillimet kryesore duke u bërë pjesë e komunitetit tonë në Viber.
BONUS: Merreni aplikacionin tonë në Android dhe iOS
klankosova.tv